దివంగత నందమూరి తారకరామారావు జీవిత చరిత్ర ఆధారంగా ఎన్టీఆర్ సినిమా తెరకెక్కుతున్న సంగతి తెలిసిందే. శరవేగంగా షూటింగ్ జరుపుకుంటున్న ఈ చిత్రం సంక్రాంతికి ప్రేక్షకుల ముందుకురానుంది. ఎన్టీఆర్ సినీ,రాజకీయ నేపథ్యంలో రెండు పార్టులగా తెరకెక్కుతుండగా జనవరి 9న కథానాయకుడు,జనవరి 24న మహానాయకుడు విడుదల కానుంది.
ఇక ఇటీవల విడుదలైన ఫస్ట్ సాంగ్‌కు మంచి రెస్పాన్స్ వచ్చింది. తాజాగా సినిమా నుంచి మరో ఆసక్తికర అప్ డేట్ వచ్చేసింది.ఈ సినిమాలో మొత్తం పది మందికి పైగా హీరోయిన్లు నటించనున్నారు.
ఎన్టీఆర్‌లో తార‌క రామారావు శ్రీమతి బసవతారకం పాత్రలో విద్యాబాలన్ పోషిస్తుండ‌గా , సావిత్రి పాత్రలో నిత్యామీనన్, కృష్ణకుమారి పాత్రలో మాళవిక నాయర్,జయసుధ పాత్రలో పాయల్ రాజ్ పుత్, ప్రభగా శ్రియ,షావుకారి జానకి పాత్రలో షాలినీ పాండే, శ్రీదేవి పాత్రలో రకుల్, జయప్రద పాత్రలో హన్సిక నటిస్తున్నారు. మిగతా పాత్రల్లో ఆమని,ఈషా రెబ్బా ,మంజిమామోహన్,పూనమ్ బజ్వా కనిపించనున్నారు. మొత్తంగా పదిమంది హీరోయిన్లు నటిస్తున్న ఈ చిత్రంతో అంచనాలు మరింతగా పెరిగిపోయాయి.
