ఫుట్బాల్ దిగ్గజం లియోనెల్ మెస్సీ హైదరాబాద్ రాబోతున్న నేపథ్యంలో నగరంలో అభిమానుల్లో ఉత్సాహం నెలకొంది. ఈ నెల 13వ తేదీన జరగనున్న ది గోట్ టూర్ కార్యక్రమంలో పాల్గొనడానికి మెస్సీ హైదరాబాద్కు చేరుకోనున్నారు. ఈ సందర్భంగా ఫలక్నుమా ప్యాలెస్లో ప్రత్యేక మీట్ అండ్ గ్రీట్ సెషన్ను ఏర్పాటు చేశారు.
ఈ కార్యక్రమంలో అభిమానులు స్వయంగా మెస్సీని కలిసే అవకాశం పొందనున్నారు. అయితే, ఈ అవకాశం చాలా పరిమితంగా ఉంటుంది. ది గోట్ టూర్ నిర్వాహక కమిటీ సలహాదారు పార్వతీ రెడ్డి వివరించిన ప్రకారం..మొత్తం 100 మందికి మాత్రమే ఈ మీట్ అండ్ గ్రీట్ అవకాశం ఇవ్వబడుతోంది. ఇంకా, మెస్సీతో ఫోటో దిగాలనుకునే వారు రూ. 9.95 లక్షలు (+ GST) చెల్లించాలని ఆమె స్పష్టం చేశారు.
ఈ భారీ ఫీజు ఉన్నప్పటికీ, అభిమానుల్లో ఈ అవకాశం కోసం భారీ డిమాండ్ ఉండొచ్చని నిర్వాహకులు అంచనా వేస్తున్నారు. ప్రపంచంలో అత్యంత ప్రజాదరణ పొందిన ఆటగాళ్లలో ఒకరైన మెస్సీని ప్రత్యక్షంగా కలవడం అరుదైన అనుభవమని, అందుకే ఈ ప్రత్యేక ప్యాకేజీని రూపొందించినట్లు తెలిపుతున్నారు. ఫుట్బాల్ ప్రేమికుల కోసం ఇది నిజంగా ఒక మరిచిపోలేని రోజు కానుంది.
Also Read:ఏపీకి పెట్టుబడులే టార్గెట్గా లోకేష్ టూర్