బాలీవుడ్ మూవీ ‘సాలా ఖ‌దూస్’కు తెలుగు రీమేక్‌గా తెరకెక్కుతున్న సినిమా గురు. విక్టరీ వెంకటేశ్ హీరోగా నటిస్తున్న ఈ సినిమా ఫస్ట్ లుక్ రిలీజైంది. రీసెంట్ మూవీ ‘బాబు బంగారం’ త‌ర్వాత తన సినిమాలపై ప్రత్యేక దష్టి సారిస్తున్నారు వెంకీ. తుల‌సి త‌ర్వాత స‌రైన క‌మ‌ర్శియ‌ల్ స‌క్సెస్ లేని ఆ లోటును గురుతో తీర్చాలని భావిస్తున్నాడు.
బాక్సింగ్ నేప‌థ్యంలో సాగే ఈ సినిమాలో వెంకీ కోచ్‌గా కనిపించనున్నాడు. మాతృక‌లో న‌టించిన రితికా సింగ్ ప్రధాన పాత్ర పోషిస్తోంది. ఆమెను అత్యుత్తమ బాక్సర్‌గా తీర్చి దిద్దడ‌మే వెంకీ క్యారెక్టర్. పీవీపీ సంస్థ నిర్మిస్తోన్న ఈ చిత్రం ఫస్ట్ లుక్ అందరిని ఆకట్టుకుంటోంది.రిలీజ్ చేసిన రెండు పోస్టర్స్ చాలా బాగున్నాయి. వెంకీ డిఫరెంట్ గా కనిపించాడు. బాక్సింగ్ కోచ్ గా వెంకీ పర్ ఫెక్ట్ అన్నట్లుగా ఉన్నాయి స్టిల్స్. తెలుగు, ఇంగ్లీష్ వెర్షన్స్ లో ఉన్న బాబాయ్ ఫస్ట్ లుక్ ను.. అబ్బాయ్ రాణా సోషల్ మీడియా ద్వారా విడుదల చేశారు. అక్టోబర్ 9 నుంచి షూటింగ్ ప్రారంభం కానుంది.తెలుగు సినిమా చరిత్రలోనే ఫస్ట్ టైం.. షూటింగ్ ప్రారంభం కాకుండానే ఫస్ట్ లుక్ విడుదల చేయటం విశేషం.
