తిరుమలలో అగ్ని ప్రమాదం…

శ్రీవారి ఆలయం వెలుపల ఉన్న బూందీ తయారీ పోటులో అగ్ని ప్రమాదం చోటుచేసుకుంది. ఐదుగురు పోటు కార్మికులకు గాయాలయ్యాయి. వీరిలో ఇద్దరు తీవ్రంగా గాయపడ్డట్టు సమాచారం. పోటులో వడ ప్రసాదాలు తయారు చేస్తుండగా ఈ ప్రమాదం చోటు చేసుకుంది. దీంతో సమాచారం అందుకున్న తితిదే అటవీ శాఖ అధికారులు, అగ్నిమాపక సిబ్బంది మంటలను అదుపు చేయడంతో ప్రమాదం తప్పింది. గతంలో కూడా పోటులో అగ్ని ప్రమాదం చోటు చేసుకున్న విషయం తెలిసిందే.