క్రీడలకు పెద్దపీట…

56 ఏళ్ల తర్వాత పోలీస్ అథ్లెటిక్ మీట్ నిర్వహించటం ఆనందంగా ఉందని సీఎం కేసీఆర్ తెలిపారు.గచ్చిబౌలి స్టేడియంలో 65వ జాతీయ పోలీస్ అథ్లెటిక్స్ మీట్ ముగింపు వేడుకల్లో పాల్గొన్న సీఎం విజేతలకు బహుమతులు అందజేశారు. వారిని అభినందించారు. తెలంగాణ రాష్ట్రంలో పోలీస్ అథ్లెటిక్ మీట్ జరుపుకోవటం సంతోషంగా ఉందన్నారు.

క్రీడాకారులకు అవసరమైన సదుపాయాలు కల్పిస్తున్నామని…క్రీడలకు తెలంగాణ ప్రభుత్వం పెద్దపీట వేస్తుందని తెలిపారు. ఈ కార్యక్రమం విజయవంతం కావడానికి సహకరించిన సీఐఎస్ఎఫ్‌కు ధన్యవాదాలు తెలిపారు. కేసీఆర్ చేతుల మీదుగా సీఆర్పీఎఫ్ ఓవరాల్ ఛాంపియన్ ట్రోఫి అందుకుంది. ఈ వేడుకల్లో ఎక్సైజ్, క్రీడల శాఖ మంత్రి పద్మారావుతోపాటు డీజీపీ అనురాగ్‌శర్మ, పలువురు ఉన్నతాధికారులు పాల్గొన్నారు.